Օկինավա կղզու հյուսիսում գտնվող Ճապոնիայի Նագո քաղաքի քաղաքապետի ընտրություններում հաղթել է քաղաքային վարչակազմի ներկայիս ղեկավար Սուսումու Ինամինեն, ով դեմ է ԱՄՆ «Ֆուտեմա» ծովային հետևակի ավիաբազան այնտեղ տեղափոխելուն: Ողջ գիշեր նրա կողմնակիցները տոնում էին հաղթանակը՝ գրում է ITAR-TASS-ը:
Նա հավաքել է ձայների 77 տոկոսը: «Ընտրողները հստակ արտահայտել են իրենց կամքը: Մեր տարածքում ռազմական բազա ստեղծելն անընդունելի է»,- հայտարարել է վերընտրված քաղաքապետը:
Դեռևս ընտրություններից առաջ 68-ամյա Ինամինեն վստահություն է հայտնել, որ իրեն կհաջողվի խանգարել՝ տեղափոխելու այդ օբյեկտը իրենց տարածք: «Ես իմ լիազորություններն ունեմ, ես պարտավոր եմ պաշտպանել քաղաքացիների կյանքը և ունեցվածքը»,- ասել է նա:
