Հռոմում Վատիկանի դեսպանատանը գտնված մարդկային մնացորդները կապում են 35 տարի առաջ անհետացած աղջկա հետ կապված պատմության հետ՝ տեղեկացնում է Reuters-ը։
Թերթի տեղեկացմամբ՝ ոսկորները հավանաբար պատկանում են 15-ամյա Էմանուելա Օրլանդին։ Նա եղել է Վատիկանի ծառայողի դուստրը և անհետացել է 1983թ․՝ երաժշտության դասի գնալիս։ Աղմկահարույց գործը այդպես էլ մնաց չբացահայտված և համարվում է Իտալիայի ժամանակակից պատմության գլխավոր հանելուկներից մեկը։
Մինչ այժմ աղջկա անհետացումը կապել են մաֆիայի, նույնիսկ հենց Վատիկանի հետ։ Բացի դրանից, նրա անհետացումը նաև պայմանավորել են թուրք ահաբեկիչ Մահմեդ Ալի Ագջայի ճակատագրի վրա ազդելուն ուղղված անհայտ հանցագործների կողմից արված փորձ։ Հայտնի է, որ Ալի Ագջան մահափորձ էր կատարել Հովհաննես Պողոս Երկրորդ պապի նկատմամբ և ցմահ ազատազրկման էր դատապարտվել։ Նա իր պատիժը կրում էր իտալական բանտում և 25 տարի անց՝ 2006թ․, ազատ է արձակվել։