Այսօր՝ հոկտեմբերի 31-ին, ԱԺ-ում հրավիրվել է արտահերթ նիստ՝ քննարկելու Համաներման մասին հարցը:
«Եթե ոմանց համար սա մարդասիրական ակտ է, ինձ համար սա իմ կյանքի ամենօրյա աշխատանքն է, ես երևի այն եզակի պատգամավորներից եմ, որ ամենօրյա ռեժիմով կապի մեջ է ՀՀ գրեթե բոլոր կալանավայրերի հետ»,- հայտարարեց «Ծառուկյան» խմբակցության պատգամավոր Նաիրա Զոհրաբյանը:
Նա կոչ արեց չմոռանալ, որ վերջին համաներումը Հայաստանում տեղի է ունեցել 2013 թվականին. «Եվ մեր ու դատապարտյալների հարազատների ակնկալիքը շատ ավելին էր, որ համաներումը շատ ավելի լայն հոդվածներ պիտի ներառեր»:
Նա հորդորեց զինվորական ծառայության 14 դեպքերը կրկին քննել. «Աբսուրդային հարց է տրվել հանձնաժողովի կողմից՝ եթե դուք բանաստեղծություն չեք գրել, ուրեմն չեք փոխվել: Ովքե՞ր են այդ հանձնաժողովի անդամները, և նրանք տարրական գիտելիքներ ունե՞ն, թե ինչպես պիտի աշխատեն դատապարտյալների հետ»:
Նաիրա Զոհրաբյանի համոզմամբ՝ մարդասիրությունը չպիտի լինի ընտրովի:
Մանրամասները՝ տեսանյութում:
