ԱՎԾ-ն հրապարակել է 2018թ. սեպտեմբերի հիմնական մակրոտնտեսական ցուցանիշները, նկատելի է որոշակի ցուցանիշների անկման միտում, և դա մտավախություն է առաջացրել, որ մեր տնտեսությունը սկսել է ազդեցություն կրել ներքաղաքական գործընթացներից: Թեմայի շուրջ «Առաջին լրատվական»- ի հետ զրույցում տնտեսագետ, վարչապետի խորհրդական Արտակ Մանուկյանը նշեց. «Ակնհայտ է, որ Հայաստանի երկարաժամկետ տնտեսական աճի համար շատ կարևոր են տնտեսական ներդրումների ներգրավումը, այս առումով կան մտահոգություններ: Տնտեսական աճը, ճիշտ է, դանդաղել է, բայց նախորդ տարվա պլանային ցուցանիշների նկատմամբ դրական զարգացում կա: Տնտեսական ակտիվությունը դանդաղել է, բայց չի գահավիժել»:
Տնտեսագետի խոսքով՝ տնտեսական ակտիվության ցուցանիշը կլինի 5-6,5 տոկոսի շրջանակում. նոյեմբեր- դեկտեմբերին ավելի մեծ ակտիվություն կդիտվի:
«Կառավարությունը պետք է կարողանա գեներացնել հնարավորությունները և մարդկանց համար այլընտրանք ապահովել»- նշեց տնտեսագետը: Նրա դիտարկմամբ՝ տնտեսական լավ տարիներին պետք է «անվտանգության բարձիկներ» ձևավորել, որպեսզի վատ տարիներին դրանք օգտակար լինեն:
Մանրամասն՝ տեսանյութում:
