Առողջապահության նախարարությունը վերահսկողություն կսահմանի Հերացու անվան Երևանի պետական բժշկական համալսարանում՝ համալսարանի հոգաբարձուների խորհրդի կազմում ներկայացուցիչներ ունենալու ձևով: Լրագրողների հետ հանդիպմանն այս մասին հայտարարեց ՀՀ առողջապահության նախարարի պաշտոնակատար Արսեն Թորոսյանը:
Նրա խոսքով՝ հսկողություն կսահմանվի համալսարանի տված կադրերի մասնագիտական ունակությունների հետ կապված: «Մենք քայլեր ենք ձեռնարկելու, որ ավարտական քննություններից սկսած մինչև օրդինատուրա լինի առողջապահության նախարարության հսկողության ներքո»,-նշեց Թորոսյանը:
Անդրադառնալով Երևանի պետական բժշկական համալսարանում «Հոգեկան առողջության պահպանման ազգային կենտրոն» ՓԲԸ տնօրեն Նարեկ Վանեսյանի հետ կապված միջադեպին, նա նշեց, որ տվյալ միջադեպն այն միջադեպը չէր, որ երկրի վարչապետին նամակ գրվեր: «Ստորագրահավաքը կազմակերպված է եղել իմ դեմ»,-հավելեց նախարարի պաշտոնակատարը:
