Newsru.com կայքը, վկայակոչելով Эхо Москвы ռադիոկայանին՝ նշում է, որ չնայած բոլոր սպասումներին, Կազանում Ռուսաստանի միջնորդությամբ անցկացվող հայ-ադրբեջանական գագաթնաժողովն ավարտվեց անարդյունք.
«Կազանում Ալիևից ու Սարգսյանից ակնկալում էին ղարաբաղյան հակամարտության կարգավորմանն առնչվող «Ճանապարհային քարտեզի» ընդունումը, սակայն արդյունքում այդ գագաթնաժողովը տապալվեց։ Կողմերը բավարարվեցին միայն «փոխըմբռնման» մասին հայտարարությամբ։
Դեռևս Կազանի հանդիպման նախօրեին թվում էր, թե Ռուսաստանի նախագահ Դմիտրի Մեդվեդևը մոտ է իր ամենամեծ արտաքին քաղաքական հաջողությանը։ Խաղաղության համաձայնագրի ստորագրման համար ամեն ինչ պատրաստ էր։
Հանդիպման ձախողման համար Հայաստանի ԱԳՆ-ն մեղադրում է պաշտոնական Բաքվին, իսկ դրանից առաջ Ադրբեջանի պաշտպանության նախարարությունը հայտարարել էր, որ նոր պատերազմն «անխուսափելի» է»։
