Հավանականությունը, որ քնած երեխան կարթնանա մոր ձայնի ձայնագրությունից, երեք անգամ մեծ է, քան այն, որ նա կարթնանա հրդեհի ազդանշանից՝ տեղեկացնում է The Guardian-ը։
Մոր ձայնի դեպքում արթնացումը ավելի արագ է տեղի ունենում։ Նման եզրահանգման են եկել ամերիկացի գիտնականները, որոնք հետազոտություն են անցկացրել Օհայոյի մանկական հիվանդանոցում։ Հետազոտության արդյունքում պարզվել է, որ երեխաները շատ ավելի լավ են արձագանքում ձայնային ազդանշաններին, ինչպիսիք են՝ արթնացիր, հեռացիր սենյակից և այլն։
«Ահազանգի ազդանշաններն ընդհանրապես չեն ազդում մինչև 12 տարեկան երեխաների վրա»,- ասել է հետազոտողներից մեկը և հավելել, որ պետք է այնպիսի միջոցներ մշակել, որոնք կօգնեն արթնանալու 5 տարեկանից բարձր երեխաներին, քանի որ նրանք ինքնուրույն փրկվելու հնարավորություն ունեն։
