Իսպանիայի վարչապետ Խոսե Լուիս Սապատերոն հայտարարել է, որ մինչև 2014 թ. Իսպանիան ամբողջությամբ դուրս կբերի զորքերն Աֆղանստանից: Այս մասին հաղորդում է Reuters գործակալությունը: Ելույթ ունենալով Բրյուսելում կայացող Եվրամիության գագաթնաժողովում՝ Սապատերոն ասել է, որ 2012 թ. առաջին կեսին իսպանական ներկայությունն Աֆղանստանում կկրճատվի 10%-ով: Այս պահին Աֆղանստանում կա իսպանացի 1,500 զինվորական:
Հիշեցնենք, որ օրեր առաջ զորքերը դուրս բերելու մասին էր հայտարարել նաև Ֆրանսիայի նախագահ Նիկոլա Սարկոզին, ինչպես նաև ԱՄՆ նախագահ Բարաք Օբաման: Վերջինս ասել էր, որ մեկ տարվա ընթացքում Աֆղանստանում ամերիկյան ներկայությունը կկրճատվի 33 հազար զինվորականով:
