«Մամուլ սուրճի հետ» հաղորդման հոկտեմբերի 23-ի հյուրը «Հրապարակ» օրաթերթի լրագրող Սյուզան Սիմոնյանն է։
Նրա կարծիքով՝ ՀՀԿ-ն ամեն ինչ անում է, որ խանգարի վարչապետի ծրագրերին.«Ես սա կորակեմ պարզապես փրփուրներից կախվել։ Երբ կուսակցության ղեկավարը հեռանում է, մյուսները պետք է հեռանան։ Երբ կուսակցության ղեկավարը հայտարարում է, որ ինքը պարտվել է, ինքը սխալ էր, Նիկոլը՝ ճիշտ, պետք է հեռացնի նաև իր թիմին, հակառակ դեպքում թիմը միշտ պարտվելու է»։
Սյուզան Սիմոնյանը նշում է՝ սա սահուն ճանապարհ է դեպի պարտություն.«Ավելի արժանապատիվ կլիներ, եթե ՀՀԿ-ն շիտակ վարքագիծ դրսևորեր ու հեռանար՝ այդ դեպքում կլիներ ուժեղ ընդդիմություն»։
Նրա խոսքերով՝ ժողովուրդը գնալով հիասթափվում է Հանրապետական կուսակցությունից.«Ատելությունը ժամ առ ժամ ավելանում է»։
