Google ընկերությունը հրապարակել է հայտարարություն, որով մրցույթ է հայտարարել ընկերության խաղային պլատֆորմի մշակման պատասխանատուի պաշտոնի համար: Հայտարարության մեջ նշվում է, որ թափուր տեղի համար անհրաժեշտ են մասնագետներ ոչ միայն համապատասխան գիտելիքներով և ռազմավարական որոշումներ ընդունելու կարողությամբ, այլ նաև կարևոր է սերը խաղերի նկատմամբ:
Այն ծրագիրը, որով զբաղվելու է նոր աշխատակիցը, կոչվելու է Games at Google: Թափուր տեղի համար մրցույթի տեքստում ասվում է, որ ընկերությունը շահագրգռված է սոցիալական խաղերի ստեղծմամբ:
Ենթադրվում է, որ Google-ը փորձելու է ստեղծել այնպիսի խաղերի նմանօրինակները, ինչպիսիք են Zynga ընկերության CityVille և Farmville խաղերը: Այն, որ Google-ը փորձում է ստեղծել սոցիալական խաղեր, մամուլում նախկինում էլ է գրվել, սակայն պաշտոնական հաստատում երբեք չէր եղել:
