ՄԱԿ-ի հովանու ներքո գործող թմրադեղերի գործակալության հաշվետվությունը վկայում է այն մասին, որ 2010 թ. կտրուկ նվազել է կոկայինի անօրինական արտադրությունը, իսկ աշխարհի ամենաշատ օգտագործվող թմրադեղը կանեփն է, ավելի կոնկրետ՝ նրանից արտադրվող հաշիշն ու մարիխուանան:
Հենց նույն հաշվետվության մեջ, որը ներկայացվել է հինգշաբթի օրը՝ հունիսի 23-ին, ասված է, որ անցյալ տարի աշխարհի բնակչության մոտավորապես 5%-ը գոնե մեկ անգամ օգտագործել է արգելված թմրադեղերը: Հետազոտությունները ցույց են տվել, որ կոճղասնկերի տարածումն ընկնում է։ Այն իր տեղը զիջում է սինթետիկ թմրադեղերին, ինչպես նաև բժշկի դեղատոմսով դուրս գրվող թմրամիջոցներին: Աշխարհի բնակչության մոտավորապես 4.5%, այսինքն՝ մոտավորապես 203 մլն մարդ, անցյալ 12 ամսիների ընթացքում գոնե մեկ անգամ օգտագործել է կանեփ:
Անցյալ տարի Աֆղանստանի օպիումի կակաչի հիվանդությունը բերել է արտադրանքի 38%-ով կրճատման: Աֆղանստանում տեղական շուկան ցանկացել է զբաղեցնել Մյանման (Բիրմա), որտեղ կոճղասնկերի արտադրությունն աճել է 20%-ով: Ընդհանուր առմամբ՝ արտադրության նվազում գրանցվել է դեռևս 2007 թ., սակայն ՄԱԿ-ին կից թմրադեղերի գործակալության ղեկավար Յուրի Ֆեդոտովը վստահ է, որ 2011 թ. այն նորից կավելանա: 2010 թ. նվազել են նաև կոկայինի արտադրության ծավալները, որի գլխավոր առաքողն է Կոլումբիան, իսկ գլխավոր սպառողը՝ ԱՄՆ-ը: Օրինակ՝ 2009 թ. ԱՄՆ-ում վաճառվել է 157 տոննա կոկային, որը համաշխարհային շուկայի 36%-ն է կազմում: Երկրորդ տեղում է Եվրոպան, որտեղ սպառվել է 124 տոննա կոկաին:
Հաշվետվության մեջ նշվել է, որ թմրադեղերի վաճառքից ստացված եկամուտներն ուղղվում են ահաբեկչական խմբավորումների ֆինանսավորմանը: «Դրանք միլիարդավոր դոլարներ են, որոնք ուղղվում են ահաբեկիչների ֆինանսավորմանը»,- ասել է ՄԱԿ-ի գլխավոր քարտուղար Բան Կի Մունը:
