ԱՄՆ շրջանների մեծ մասը ցուցաբերում է տնտեսական կայուն աճ՝ ասվում է ԱՄՆ Դաշնային պահուստային համակարգի նոր զեկույցում:
Փաստաթուղթը, որն ավանդաբար անվանվում է «Բեժ գիրք», ցույց է տալիս, որ 12 բանկային շրջաններից, որոնց բաժանված է երկիրը, 9-ում տնտեսական աճը չափավոր է: Անցած տարվա հոկտեմբերին և նոյեմբերի սկզբին այդպիսի շրջանների թիվը 7-ն էր՝ փոխանցում է ITAR-TASS-ը:
«Ստացված տվյալները թույլ են տալիս ենթադրել, որ տնտեսությունը շարունակում է զարգանալ: Տնտեսական կանխատեսումը բարենպաստ է մնում շրջանների մեծ մասի համար: Դրանցից մի քանիսում սպասվում է, որ մոտ ժամանակներս իրավիճակը կբարելավվի կամ առնվազն կմնա նույնը, մյուսներում սպասվում է տնտեսական աճ»,- ասվում զեկույցում:
Հաղորդվում է, որ միայն երկու շրջաններում՝ Բոստոնում և Ֆիլադելֆիայում, աճը եղել է աննշան: Միակ շրջանը, որտեղ ցուցանիշները գրեթե չեն տարբերվել նախորդ շրջանից, եղել է Կանզաս սիթին: 8 շրջաններում դիտվել է աշխատաշուկայի բարելավում՝ ի հաշիվ նոր աշխատատեղերի ստեղծման:
