eBay աճուրդների կայքը Ֆիլիպ Ֆերսմանին արգելել է կայքի միջոցով վաճառել Ադոլֆ Հիտլերի արձանիկները: Այս մասին գրում է The Telegraph-ը: Կայքի ներկայացուցիչն ասել է, որ վաճառողներին արգելվել է eBay-ում վաճառել նացիստական խորհրդանիշով իրեր: Այդ արտադրանքը կարող է վիրավորել այլ օգտատերերի, ինչպես նաև հակասել որոշ երկրների օրենսդրությանը:
Ֆերսմանն իր դժգոհությունն է հայտնել այն կապակցությամբ, որ իրեն ստիպել են վաճառքից հանել Հիտլերի արձանիկը, սակայն թույլատրել են վաճառել Ուսամա բեն Լադենի և թալիբների այլ առաջնորդների արձանիկները: Ֆերսմանն ասել է, որ Հիտլերին համարում է ահավոր անձնավորություն, սակայն գերմանացին իրեն հետաքրքրում է որպես պատմական անձ:
Ֆերսմանը պատմել է, որ այս արձանիկները գնում է բրիտանական ընկերություններից մեկից, ներկում դրանք, ապա փոքր հավելավճարով վաճառում:
