Ստամբուլի ոստիկանները հատուկ գործողության արդյունքում ձերբակալել են Ադրբեջանի գլխավոր օրենքով գող Նադիր Սալիֆովին՝ հանցագործ աշխարհում հայտնի որպես Լոտա Գուլի։ Այս մասին տեղեկացնում է Sozcu-ն։
Սալիֆովի մասին Թուրքիայում սկսել են խոսել Ադրբեջանի քրեական հեղինակություն Ռովշան Ջանիևի (Ռովշան Լենքորանսկի) սպանությունից հետո։
Սալիֆովը Կազմակերպված հանցագործության դեմ պայքարի վարչության տեսադաշտում հայտնվել է այն բանից հետո, երբ ռուսական ԶԼՄ-ներում տեղեկություններ տարածվեցին, որ նա Ռուսաստանի Կալուգայի շրջանում ձեռնարկատերերից տուրք է հավաքում՝ միաժամանակ գտնվելով Թուրքիայում։
Ներկա պահին Նադիր Սալիֆովը Մերաբ Ջանգվելաձեի հետ միասին համարվում է ամենաազդեցիկ օրենքով գողերից և Ռուսաստանի քրեական աշխարհում առաջատարի հավանական թեկնածուներից մեկը: Նախկին հավակնորդ Զաքարի Քալաշովը (Շաքրո Մոլոդոյ) 10 տարով կալանավորվել է դրամաշորթության մեղադրանքով։
