Bluewater Production հրատարակչությունը պատրաստվում է Մադոննայի մասին կոմիքսներ լույս ընծայել Female Force («Կանացի ուժ») շարքում, ինչի մասին ընկերությունը տեղեկացրել է մամուլի հաղորդագրության մեջ: Մադոննայի կյանքին նվիրված է լինելու ստանդարտ 32 էջանոց ամսագիր: Այն թողարկվելու է 2011 թ. օգոստոսին:
Կոմիքսի արժեքը լինելու է 3.99 դոլար: Այն վաճառվելու է ինչպես սովորական գրախանութներում, այնպես էլ ինտերնետ կայքերում: Ըստ Ջեյսոն Շուլցի, որն այդ հրատարակչության փոխնախագահն է, կոմիքսներում լուսաբանվելու են երգչուհու կյանքից այնպիսի դրվագներ, որոնք քիչ են հայտնի լայն հասարակությանը, սակայն ազդել են Մադոննայի կարիերայի վրա:
Bluewater Production հրատարակչության հիշյալ՝ «Կանացի ուժ» շարքը 2008 թ. նվիրել է Հիլարի Քլինթոնին, նախատեսվում են շարքի մեջ ներառել կոմիքսներ ԱՄՆ առաջին տիկին Միշել Օբամայի, արքայադուստր Դիանայի, գրող Ջոան Ռոուլինգի և այլոց մասին: