«Ազգային անվտանգություն» կուսակցության նախագահ Գառնիկ Իսագուլյանը, «Առաջին լրատվական»-ի հետ զրույցում անդրադառնալով ԲՀԿ առաջնորդ Գագիկ Ծառուկյանի հարցազրույցին, ասաց. «Երբ 2015 թվականին Ծառուկյանը դադարել էր ինքն իրեն պաշտպանել, ես նրան պաշտպանում էի։ Թե հիմա նրա հարցազրույցի բովանդակային մեսիջներն ում էին ուղղված՝ դժվար չէ կռահել։ Մենք հիմա հայտնվել ենք քաղաքական գործընթացների մի վիճակում, որ որևէ բան բացառել պետք չէ։ Ըստ էության նա հակադրվում է վարչապետի՝ դեկտեմբերին արտահերթ ընտրություններ անցկացնելու գաղափարին»։
Ինչ վերաբերում է Ծառուկյանի այն հայտարարությանը, որ եթե իր միջոցով Լևոն Տեր-Պետրոսյանը, Քոչարյանը կամ Սերժ Սարգսյանը գան իշխանության, ապա ինքը անբարոյական ընտանիքի զավակ է, Իսագուլյանն արձագանքեց. «Դա քաղաքական գործչի հայտարարություն չէ»։
Իսագուլյանը նշում է՝ իր կարծիքով՝ Փաշինյանը պետք է հրաժարական տա, իսկ այդ ընթացքում նորից առաջադրվի ու իրեն նորից վարչապետ ընտրեն, որպեսզի հստակ երաշխիքներ ունենա, որ ավելի երկար ժամանակահատվածում իրեն անվստահություն չեն հայտնի։
Հարցազրույցն ամբողջությամբ՝ տեսանյութում։
