Լինդսի Լոհանը, հնարավոր է, հանդիպում է բրիտանացի 23-ամյա ուսանող և մոդել Քրիստիան Առնո Ուիլյամսի հետ:
The Mirror-ի աղբյուրները հաղորդում են, որ նա շատ համակրելի է, և Լինդսին շատ է սիրում նրա բրիտանական ակցենտը: Երիտասարդն, իրոք, գրավել է նրա ուշադրությունը:
Զույգը ծանոթացել է Շանհայի Նորաձևության շաբաթին, որտեղ 27-ամյա Լոհանը պատվավոր մրցանակ է ստացել, իսկ Քրիստիանը մոդել է աշխատել:
Աղբյուրների տեղեկացմամբ՝ նրանք միասին շատ ժամանակ են անցկացրել և մտերմացել են: Ոչ ոք չգիտե՝ արդյոք դրանից ինչ-որ լուրջ բան կստացվի՞, թե՞ ուղղակի, որպես անցողիկ սիրավեպ, կանցնի, սակայն Քրիստիանն այժմ շատ երջանիկ և հուզված է: Նա, ինչպես և Լինդսին, այդ կապի մասին միայն մի քանիսին է պատմել՝ փորձելով զգույշ լինել:
Անցած երեկո Լինդսին տանից դուրս է եկել անծանոթ մի տղամարդու հետ և նրա հետ միասին գնացել է քաղաքի կենտրոն՝ ուրախանալու: Քրիստիանը կողքին չի եղել: Ոստիկանները թույլ չեն տվել հավաքվածներին մոտենալ դերասանուհուն կամ հետապնդել նրան:
Ինչպես պարզվել է, Լոհանի ներկայացուցիչները նախօրոք ոստիկանություն են զանգահարել և խնդրել նրանց դերասանուհուն ուղեկցել. նա զգացել է, որ իրեն վտանգ է սպառնում:
Արդյունքում Լոհանն ու անծանոթ տղամարդը հանգստանալու են գնացել ոստիկանական մեքենայի ուղեկցությամբ:
