Սրճարանների Starbucks ցանցը հայտնի է քաղաքական հարցերին իր մասնակցությամբ, սակայն այս անգամ ընկերությունը որոշել է օգնել վետերաններին:
Starbucks-ի ներկայացուցիչները խոստացել են աշխատանքի ընդունել Իրաքում և Աֆղանստանում ծառայած վետերաններին և նրանց կանանց՝ դրանով իսկ լրացնելով 10 000 աշխատատեղ: Ընդ որում՝ խոսքը ոչ միայն բարմենների, այլև լոգիստների և մենեջերների մասին է: Այս կամ այն աշխատանքին մարդու համապատասխանությունը կորոշե հատուկ մասնագետները:
Starbucks-ում արդեն աշխատում են ռազմական գործողությունների մասնակիցներ, սակայն ընկերությունը մտադիր է ավելացնել նրանց թիվը: «Սա մարդկանց այն դասն է, որը կադրային մեծ պոտենցիալ ունի և բավականաչափ չի օգտագործվում մեր երկրում: Մենք ցանկանում ենք ուղղել դա»,- հայտարարել է Starbucks-ի տնօրեն Ռոբերտ Գեյթսը, ով ԱՄՆ-ի նախկին պաշտպանության նախարարն է եղել:
