Ակտիվիստ Վարդգես Գասպարին այսօր բողոքի ակցիա էր իրականացնում ԱԺ փոխնախագահ Արփինե Հովհաննիսյանի շենքի դիմաց։ Գասպարին «հանցագործ աշխարհի փաստաբան» գրությամբ պաստառը ձեռքին կանգնել էր Հովհաննիսյանի շենքի դիմաց։ Նա «Առաջին լրատվական»-ի հետ զրույցում ասաց, որ իր ակցիան ՀՀԿ-ական պատգամավորներին անվստահություն հայտնելու նպատակ է հետապնդում։
Նմանատիպ մի ակցիա էլ երեկ իրականացրել է ՀՀԿ-ական պատգամավոր Գևորգ Կոստանյանի տան դիմաց. «Իրենք ինձ համար ամենաանցանկալի, ամենաանընդունելի ներկայացուցիչներն են ԱԺ-ում, ովքեր ուղղակիորեն պատասխանատու են երկրում մարդու իրավունքների ոտնահարումների համար, կալանավայրերում կտտանքները հովանավորելու համար։ Իրավունքից խոսում են մարդիկ, ովքեր իրենք են կոպտագույն ձևով ոտնահարում իրավունքը։ Ես փորձում եմ իմ քայլով ցույց տալ, թե ինչ եմ մտածում իրենց մասին»,- ասաց Գասպարին։
Վարդգես Գասպարին նշեց, որ իր քայլով փորձում է ցույց տալ նաև, որ այդ պատգամավորները չեն կարող լինել նոր խորհրդարանում։
Առավել մանրամասն՝ տեսանյութում:
