Կանադայի Ալբերտայի նահանգի Քալգարի քաղաքում շուրջ 270 ճանապարհատրանսպորտային պատահար Է արձանագրվել հոկտեմբերի 2-ին երկրի այս արեւմտյան տարածաշրջանում ձյան ռեկորդային տեղումների պատճառով: Այս մասին, հայտնել Է Calgary Herald թերթը:
Տեղի ոստիկանության տեղեկատվությամբ՝ քաղաքում տեղի Է ունեցել 267 վթար, որոնց հետեւանքով տուժել Է 17 մարդ: Զոհվածների վերաբերյալ տվյալներ չեն ստացվել: Ինչպես հայտնել Է Կանադայի Ազգային օդերեւութաբանական բյուրոն, հոկտեմբերի 2-ին Ալբերտայի հարավարեւմտյան մասում արդեն 30 սանտիմետր ձյուն Է տեղացել, ինչը հոկտեմբեր ամսվա բացարձակ ռեկորդ Է դարձել օդերեւութաբանական դիտարկումների ամբողջ պատմության ընթացքում, որոնց վերաբերյալ հաշվետվությունը, ճշտված տվյալներով, հրապարակվում Է 1881, այլ ոչ թե 1884 թվականից, ինչպես նախապես հաղորդվել Էր:
Մինչ այդ ձյան ամենաուժգին տեղումներն այստեղ եղել են 1914 թվականի հոկտեմբերի 4-ին. այն ժամանակ ձնակույտերի բարձրությունը հասել Էր 29,7 սանտիմետրի: Օդերեւութաբանների կանխատեսմամբ՝ ձյան տեղումները կդադարեն հոկտեմբերի 3-ին, հաղորդել Է ՏԱՍՍ-ը:
