ՌԴ նախագահ Վլադիմիր Պուտինը «տականք» և հայրենիքի դավաճան է անվանել ՌԴ Գլխավոր հետախուզական վարչության նախկին գործակալ Սերգեյ Սկրիպալին:
«Ես նայում եմ մի շարք լրատվական աղբյուրներ, ձեր գործընկերներն առաջ են տանում այն գաղափարը, ասես պարոն Սկրիպալն իրավապաշտպան է: Նա պարզապես լրտես է, հայրենիքի դավաճան: Ադ լրտեսական սկանդալը արհեստականորեն ուռճացվում է:
Հասկանում եք՝ կա այդպիսի հասկացություն. հայրենիքի դավաճան», – ասել է Պուտինը՝ ռուսական էներգետիկ շաբաթվա լիագումար նիստում:
Պուտինի խոսքերով՝ որքան շուտ ավարտվի Սկրիպալի շուրջ տեղեկատվական արշավը, այնքան ավելի լավ: «Պատկերացրեք, որ դուք ձեր երկրի քաղաքացին եք, և հանկարծ ի հայտ է գալիս մեկը, որը դավաճանում է իր երկրին:
Ինչպե՞ս կվերաբերվեք նրան: Նա պարզապես տականք է, ահա և վերջ», – ասել է ՌԴ ղեկավարը:
Նա ընդգծել է նաև, որ «հատուկ ծառայությունների միջև բախումները նոր չեն սկսվել»:
