Թուրքիայում լիրայի արժեքի անկման հետևանքով գրանցվել է վերջին 15 տարիների ընթացքում ամենամեծ գնաճը։ Այդ մասին գրում է facenews.ua-ը։
Տարեսկզբից թուրքական լիրան կորցրել է իր արժեքի գրեթե 40%-ը ԱՄՆ դոլարի նկատմամբ: Սա, ի թիվս այլ բաների, պայմանավորված է Թուրքիայում ամերիկյան հովիվի ձերբակալման հարցում ԱՄՆ-ի և Թուրքիայի կողմից փոխադարձ պատժամիջոցների կիրառմամբ: Բացի այդ, ներդրողները քննադատում են Թուրքիայի նախագահ Ռեջեփ Թայիփ Էրդողանի վարած դրամավարկային քաղաքականությունը և այն անբավարար են համարում:
Լիրայի փլուզման և գնաճի դեմ պայքարում Թուրքիայի կենտրոնական բանկը սեպտեմբերին բազային տոկոսադրույքը բարձրացրեց 6,25 կետով, մինչեւ 24%: Թուրքիայի ֆինանսների նախարար Բերիաթ Ալբայակը հավաստիացրեց, որ ամենավատն ավարտված է: Նա խոստացավ 2021 թ.-ին աստիճանաբար նվազեցնել գնաճը մինչև 6 տոկոս: Հաջորդ շաբաթ նա մտադիր է ներկայացնել այդ նպատակին հասնելու մանրամասն ծրագրերը։
