Ինդոնեզացի երիտասարդ Ալդի Նովել Ադիլանգը ողջ է մնացել՝ փոքրիկ լաստանավակի վրա 49 շաբաթ անցկացնելով Խաղաղ օվկիանոսում։ 19-ամյա երիտասարդի խոսքերով՝ նա փրկվել է Աստվածաշնչի օգնությամբ՝ ժամանակն անցկացնելով աղոթելով, որպեսզի կարողանա պայքարել կյանքի համար։
Ինչպես գրում է Christian Headlines–ը՝ արտակարգ դեպքը տեղի է ունեցել հուլիսին, երբ տղային ջուրն ափից մոտ 150 կիլոմետր դեպի խորքն է տարել։ Դրանից հետո նա յոթ շաբաթ իր լաստով անցկացրել է Խաղաղ օվկիանոսոմ՝ արդյունքում հազարավոր մղոն ճանապարհ անցնելով։
Նշվում է, որ նա թիակներ չի ունեցել, իսկ սնունդն ու ջուրը շատ արագ սպառվել են։ Սակայն տղան կարողացել է ողջ մնալ։
Այդ ամբողջ ընթացքում նրան հաջողվել է լաստի վրա կրակ վառել և ձուկ տապակել, նա նաև կարողացել է հագուստի միջով ֆիլտրել աղի ջուրը։ Նա տասնյակ նավերի է հանդիպել, սակայն դրանցից ոչ մեկը նրան չեն նկատել։
Հուսահատության պահերին նա նույնիսկ ինքնասպանության մասին է սկսել մտածել, սակայն ճակատագրական քայլից նրան հետ է պահել Աստվածաշունչը, որը տղան հետն էր վերցրել։
Արդյունքում, օգոստոսի 31-ին նրա փոքրիկ նավակը նկատել է Arpeggio նավը, և նա փրկվել է։ Մի քանի օրից տղան տուն է վերադարձել։
