ՆԱՏՕ-ի աղբյուրներից «Մեդիամաքս»-ին հայտնի է դարձել, որ հաջորդ շաբաթ Երևան կայցելի Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ափաթուրայը:
Ջեյմս Ափաթուրայը Երևան պետք է ժամաներ դեռ մարտի 21-ին, սակայն այցը հետաձգվել էր Լիբիայում սրված իրավիճակի պատճառով:
Մարտ ամսին «Մեդիամաքս»-ին տված հարցազրույցում Ջեյմս Ափաթուրայն ասել էր.
«ՀԱՊԿ-ին Հայաստանի անդամակցությունը չի սահմանափակում ՆԱՏՕ-ի հետ ՀՀ գործընկերության մակարդակը: Ձեր կառավարությունը որոշում է երկկողմ և բազմակողմ համագործակցության միջոցառումները, որոնք համապատասխան է համարում անվտանգության ոլորտում: Այդ միջոցառումների ճիշտ համադրության հարցը լուծվում է Երևանում: ՆԱՏՕ-ի չի փորձում մրցակցել ՀԱՊԿ-ի հետ:»