1863 թ. հունվարի 10-ին բացվել է Լոնդոնի մետրոպոլիտենի առաջին գիծը, որն աշխարհում հնագույնն է:
Չնայած ասում են, թե աստղերը մետրո չեն նստում, սակայն ժամանակ առ ժամանակ նրանք ապացուցում են, որ իրենք դեմ չեն երբեմն երթևեկել հասարակ ուղևորների հետ միասին: Spletnik.ru-ն հավաքել է12 լուսանկարներ, որոնք վկայում են, որ հայտնի մարդկանց նույնպես կարելի է մետրոյում հանդիպել:
Լոնդոնի մետրոյի ուղևորներն իրենց աչքերին չեն հավատացել, երբ տեսել են Ռիհաննային: 2011 թ. երգչուհին իր համերգին մետրոյով է գնացել: Ընդ որում, Լոնդոնի մետրոյում աստղին մեկ անգամ չէ, որ տեսել են:
Իսկ ահա Կիանու Ռիվզը ժողովրդից երբեք էլ չի առանձնացել. Դերասանը հանգիստ զբոսնում է փողոցներով և չի հրաժարվում ստորգետնյա տրանսպորտից:
Ուղիղ մեկ տարի առաջ Լոնդոնի մետրոպոլիտենի 150-ամյակին «Բեյքեր Սթրիթ» կայարան էր ժամանել Եղիսաբեթ II թագուհին:
Նույն իրադարձության պատվին մետոյում էր հայտնվել նաև դքսուհի Քեթրինը:
Մետրո իջնելով՝ դժվար մտածես, թե կհանդիպես Բենեդիկտ Քեմբերբեթչին: Սակայն այդպես էլ է պատահում:
Հնարավոր է, նյույորքյան մետրոյի ուղևորները բավականին զարմացել են՝ տեսնելով Ջեյք Գիլլենհոլին: Այս դերասանը հաճախ է մետրոյով երթևեկում:
2010 թ. Քիմ Քարդաշյանը սոցցանցում հրապարակել էր մի լուսանկար, որտեղ նա մետրոյի վագոնում էր գտնվում: Քիմի հետ ստորգետնյա տրանսպորտով երթևեկել է նաև նրա քույրը՝ Քորթնին:
Բեդլի Կուպերը վատ չի դիմակավորվել՝ որոշելով մետրոյով երթևեկել Նյու Յորքի այլ բնակիչների հետ միասին:
Երբեմն Մադոննան նույնպես ցանկանում է իրեն սովորական մարդ զգալ: 2010 թ. սուպերաստղը ցնցել է նոյույորքցիներին, երբ զբոսնել է քաղաքով և իջել մետրո:
Լինդսի Լոհանն այնքան է վթարների ենթարկվել, որ որոշել է հասարակական տրանսպորտով եթևեկել:
Ջերի Հոլլիուելը մի անգամ հոգնել է խցանումներից և երթևեկել է լոնդոնյան մետրոյով:
Չենք կարծում, որ Թոմ Քրուզը հաճախ է հասարակական տրանսպորտով երթևեկում, սակայն 2006թ. նա էլ չի դիմացելև մետրո է նստել:
