Ճապոնիայի իշխանությունները մտադիր են ազգայնացնլ 280 կղզի, որոնք տեղակայված են այդ երկրի տարածքային ջրերում կամ երկրի բացառիկ տնտեսական գոտում: Այս մասին հայտնում է Reuters գործակալությունը:
Ճապոնիայի կառավարության ներկայացուցիչների խոսքով՝ մոտ ժամանակներս ծրագրվում է ստուգումներ անցկացնել նշված սահմաններում տեղակայված բոլոր կղզիներում՝ պարզելու դրանց տերերի ինքնությունը: Սեփականատեր չունեցող կղզիները կազգայնացվեն:
Ինչպես հայտարարել են կառավարության ներկայացուցիչները՝ ստուգումը կանցկացվի ծրագրի շրջանակում, որն ընդունվել է երկրի իշխանությունների կողմից դեռևս 5 տարի առաջ: Ծրագրի գոյության ընթացքում ազգայնացվել են 99 կղզիներ, որոնց տերերին չի հաջողվել գտնել:
Կղզիների հստակ թիվը, որոնք կարող են ազգայնացվել այդ ծրագրի գործողության հերթական փուլում, հայտնի կդառնա ստուգումից հետո՝ հայտարարել են Ճապոնիայի կառավարության ներկայացուցիչները: Նախնական հաշվարկներով՝ խոսքը 280 կղզիների մասին է:
Ինչպես նշում է Reuters-ը՝ այդ կղզիներից մի քանիսը կարող են դառնալ Ճապոնիայի հետ Չինաստանի և Հարավային Կորեայի տարածքային վեճի առարկա:
