Հավայան կղզիներում տոնական արձակուրդներից վերադառնալուց հետո Շարլիզ Թերոնն ու Շոն Պենը միասին հաճելի ուիքենդ են անցկացրել Լոս Անջելեսում:
Լոս Անջելեսում 38-ամյա Թերոնին նկատել են Starbucks-ից սուրճ գնելիս, մինչդեռ 53-ամյա Պենը նրան սպասել է մեքենայում:
«Նրանք երկուսը ժպտում էին»,- People ամսագրին պատմել են ականատեսները՝ հավելելով, որ Պենը երջանիկ ու հանգիստ տեսք է ունեցել: Թերոնի տուն գնալուց հետո հաջորդ օրը օսկարակիրները գնացել են ֆիլմ դիտելու: Նրանք ArcLight կինոթատրոնում դիտել են «Ուոլ Սթրիթի գայլը» ֆիլմը:
Աղբյուրները հայտնում են, որ Ամանորին Թերոնը միացել էր Պենին Օահու կղզու նրա տանը, որտեղից միասին վերադարձել էին Լոս Անջելես:
Թերոնը միայնակ է 2010-ին ընկերոջից՝ Ստյուարդ Թաունսենդից հեռանալուց հետո, իսկ Պենը, որը 80-ականներին ամուսնական կապի մեջ էր Մադոննայի, իսկ 90-ականներին՝ Ռոբին Ռայթի հետ (ամուսնալուծվել է 2010-ին), կապված է եղել Պետրա Նեմկովայի և Սկառլետ Յոհանսոնի հետ:
