«Մամուլի հետ սուրճ» հաղորդման սեպտեմբերի 12-ի հյուրը Հանրային հեռուստաընկերության լրատվական և վերլուծական հաղորդումների տնօրեն Վահագն Թևոսյանն է։ Քննարկելով օրվա տպագիր մամուլում տեղ գտած իրադարձությունները անդրադարձ կատարվեց ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի հեռախոսազրույցի գաղտնալսմանը։ Վահագն Թևոսյանը կիսում է այն կարծիքը, որ սա հարված է Հայաստանի պետականությանը.«Սա ոտնձգություն է Հայաստանի պետականության հանդեպ, սա անվտանգության խնդիր է»,-ընգծեց նա։
Վահագն Թևոսյանը նշեց, որքան էլ սա միտված լիներ Փաշինյանի թիմը թուլացնելուն, դրան հասնել չի ստացվի.«Ճանաչելով այդ մարդկանց, նրանցից որոշների հետ ժամանակին մտերիմ հարաբերություններ ունենալով՝ կարող եմ ասել, որ թիմը «անթուլանալի» է, թիմը հնարավոր չէ կազմաքանդել, ինչ-որ մեկին պոկել։ Այդ մարդկանց չի միավորում վարչապետի շուրջ հավաքվելու շահը կամ բիզնես փրկելը, ինչ-որ դատական գործից պլստալը։ Այդ մարդկանց միավորում է իրենց արժեհամակարգը և նվիրումն իրենց գործին»։
