Չառլի Շինն անսպասելի լուր է հաղորդել երկրպագուներին՝ նա ամուսնացել է:
Իր Twitter-ում Շինը հրապարակել է լուսանկար, որտեղ նա և իր ընկերուհին՝ «մեծերի համար ֆիլմերի» աստղ Բրեթ Ռոսսին պատկերված են Ռեյկյավիկի պատմական շենքի ֆոնին: «Սա այն տունն է, որտեղ տեղի է ունեցել Գորբաչովի և Ռեյգանի պատմական հանդիպումը, և որտեղ մենք ամուսնացել ենք»,- դերասանը մեկնաբանել է լուսանկարը:
Խոսքը Հևդի անունով առանձնատան մասին է, որը տեղակայված է իսլանդական մայրաքաղաքի հյուսիսում:
Եթե Շինի և Ռոսսիի ամուսնությունը պաշտոնապես են գրանցել, ապա դա դերասանի չորրորդ ամուսնությունն է: Ավելի վաղ նա ամուսնացած է եղել Դոնն Փիլի, Դենիզ Ռիչարդսի և Բրուք Մյուլլերի հետ, ումից բաժանվել է երկու տարի առաջ:
