Եվրախորհրդարանի պատգամավորները նախապատրաստել են բանաձև, որով առաջարկվում է Հունգարիայի դեմ ընթացակարգ սկսել` Եվրամիության հիմնարար ժողովրդավարական արժեքների կոպիտ խախտման հետ կապված` հետագայում Եվրամիության խորհրդում այդ երկրին ընտրական իրավունքներից զրկելու նպատակով՝ տեղեկացնում է korrespondent.net-ը:
Բանաձևի նախագծի հեղինակները հղում են կատարում Եվրամիության մասին պայմանագրի յոթերորդ հոդվածին, որը նախատեսում է անդամ պետության հանդեպ պատժամիջոցների կիրառում, այդ թվում՝ Համայնքի համար հիմնարար ժողովրդավարական արժեքները խախտելու համար Եվրախորհրդում քվեարկելու իրավունքից զրկելը:
ԵԽ-ն համոզված է, որ կոռուպցիայի ներկա մակարդակը, հանրային ֆինանսների թափանցիկության և հաշվետվողականության պակասը, ինչպես նաև ոչ պատշաճ ծախսերը և ֆինանսական ծրագրերի գերազանցված ծախսերը վնասում են Հունգարիայում ԵՄ ֆինանսական ռեսուրսներին, և դա կարող է համարվել Եվրամիության պայմանագրի երկրորդ հոդվածում սահմանված արժեքների խախտում», – ասվում է բանաձևի նախագծում:
