ՀՅԴ-ն քարոզարշավը սկսեց Երևանի կենտրոնից՝ Արամ Մանուկյանի արձանի մոտից՝ «Միասին՝ հանուն Երևանի» կարգախոսով։
«Համենայն դեպս այդպիսի խոստում կա, և ես հավատացած եմ, որ անցկացվելու են ազատ և արդար ընտրություններ։ Մենք մանդատների մասին չենք խոսում, մենք խոսում ենք հաղթանակի մասին և հավատացած ենք, որ հաղթելու ենք ընտրություններում»,- լրագրողների հետ զրույցում ասաց Դաշնակցության քաղաքապետի թեկնածու Միքայել Մանուկյանը։
Նա ՀՅԴ-ի վարկանիշը շատ բարձր է գնահատում․ «Դաշնակցությունը նոր չէ, որ պետք է նրեկայանա իր ժողովրդին կամ երևանցիներին։ Դաշնակցությունը 128 տարվա պատմություն ունի և մեկ վայրկյան անգամ ամաչելու տեղ չունի՝ նաև վերջին գործընթացներում»,-նշեց թեկնածուն։