Ամերիկացի երիտասարդ գիտնական, Արիզոնայի համալսարանի ասպիրանտ Նիք Հոուլը «ականջակալներ» է ստեղծել, որոնք կարող են թույլ էլեկտրական ազդակների օգնությամբ հանգստացնել նյարդերը։ Մշակումը սովորական դեղորայքին փոխարինելու բոլոր հնարավորություններն ունի։
Սարքավորումն ականջակալի տեսք ունի, սակայն դրա գործողության հիմքում թույլ և անցավ էլեկտրական ազդակներն են՝ ուղղված մարդու, այսպես կոչված, «թափառող» նյարդին։
Գիտնականը վստահ է, որ այն անհրաժեշտ կլինի սթրեսի մակարդակը նվազեցնելու կամ առողջ մարդկանց հանգստացնելու համար։ Բացի այդ, դրանք կարող են օգնել անքնությամբ տառապող մարդկանց։
