Քարոզարշավի ժամանակ Թրամփը հայտարարել է, որ կարող է սպանել ինչ-որ մեկին Նյու Յորքի հենց կենտրոնում բայց, մեկ է, չի կորցնում ընտրողների աջակցությունը: Այսօր էլ նա հարձակվել է գլխավոր դատախազի վրա, իմանալով, որ ինքը կարող է դա անել՝ առանց Կոնգրեսի հանրապետականների աջակցությունը կորցնելու:
ԱՄՆ նախագահ Դոնալդ Թրամփը հրապարակավ քննադատել է գլխավոր դատախազ Ջեֆ Սեշնսին (իհարկե, Twitter-ում) այն բանի համար, որ նա չի դադարեցնում իր քաղաքական դաշնակիցներից երկուսի դեմ քրեական հետապնդումը, ովքեր մեղադրվում են ծանր հանցագործություններ կատարելու մեջ:
Ամենատարօրինակն այն է, որ ոչ ոքի չի զարմացնում նախագահի նման հայտարարությունը, գրում է դաշնային նախկին դատախազ Ռենատա Մարիոտին՝ The New York Times-ի իր սյունակում:
«Սա նոր իրողություն է, և Կոնգրեսի հանրապետականները հստակ ցույց տվեցին, որ չեն «ազատելու» Թրամփին՝ արդարադատությանը հետապնդելու համար: Դժվար է պատկերացնել, թե ինչպես են 19 հանրապետական սենատորներ քվեարկում Թրամփի օգտին՝ արդարադատության գործունեությանը խոչընդոտելու համար:
Եթե ԱՄՆ Սենատը հրաժարվի դատապարտել նախագահին արդարության իրականացմանը խոչընդոտելու համար, ապա Թրամփը կարող է անտեսել այդ նախազգուշացումները նաև ապագայում: Եվ եթե իմպիչմենտի հարց բարձրացվի, Ամերիկյան հասարակությունը երբեք չի իմանա ճշմարտությունը մեր ընտրությունների և հանցագործությունների սպառնալիքների մասին»,- գրում է Մարիոտին:
