Զինված հանցագործները Փարիզի արվարձաններում կողոպտել են ռուսաստանի երեք զբոսաշրջիկների՝ տանելով ադամանդներով և թանկարժեք հագուստներով լի ճամպրուկները: Գողոնի արժեքը գնահատվում է 500 հազարից մինչև 1 միլիոն դոլար՝ տեղեկացնում է RTL-ը:
Ռուսաստանցիներին կողոպտել են սեպտեմբերի 3-ի երեկոյան, երբ նրանք Նիցայից ժամանել են Լե Բուրգե օդանավական: Նրանք վարձակալած ավտոմեքենայով գնացել են Փարիզ. ավտոմայրուղու վրա նրանց ավտոմեքենային բախվել են: Սկզբում նրանք կարծել են, թե վթար է, սակայն քիչ անց մեքենայից դուրս են եկել զինված մարդիկ և պահանջել բացել մեքենայի պահոցը:
Հանցագործները վերցրել են նրանց ճամպրուկները: Նրանք նաև գողացել են դրամապանակները և բջջային հեռախոսները: Ավտոմեքենայի վարորդը փորձել է նկարահանել հարձակվողներին, նրա հեռախոսը նույնպես վերցրել են:
