Գործարար, ՀՀ-ում խոշոր հարկատու Գրիգոր Տեր-Ղազարյանը երկու տարում մեծածավալ աշխատանքի շնորհիվ կարողացել է Հայաստանի համար բացել դեպի Արաբական Միացյալ Էմիրություններ ողջ ոչխարի արտահանումը։ Հիշեցնենք՝ 5 տարի առաջ Հայաստանից հիվանդ կենդանիներ արտահանելու համար ԱՄԷ-ի շուկան փակ էր Հայաստանի համար։ Մի քանի օր առաջ գյուղատնտեսության նախարար Արթուր Խաչատրյանը, ամփոփելով իր աշխատանքի 100 օրը, հայտարարել է, թե այս 100 օրում իրենց հաջողվել է բացել շուկան, այնինչ գործարարը վստահեցնում է՝ արդեն 2 տարի է՝ այդ շուկան բացելու համար աշխատել է ինքը իր միջազգային գործընկերների հետ։
Գրիգոր Տեր-Ղազարյանը հարցազրույցի ժամանակ նշեց՝ իր նպատակը կառավարությանը քննադատելը չէ, ոչ էլ հայտարարելը, թե ինչեր է արել, սակայն կոնկրետ այս դեպքով իրենք միլիոններ են ծախսել ու մտավախություն ունեն՝ նորից հիվանդ կենդանի արտահանել, որից հետո շուկան Հայաստանի համար 20 տարով կարող է փակվել։
Մեր զրուցակցի խոսքով՝ հեղափոխությունից հետո պետք է մտածել միջազգային ինվեստորների հետ արդյունավետ աշխատանքի, նոր ներդրողներ բերելու մասին։ Սակայն, ցավոք, գործարարը պնդում է՝ վարչապետ Փաշինյանը չգիտի՝ ինչ է կատարվում ներքին օղակներում, չգիտի, որ, օրինակ, գյուղատնտեսության նախարարությունը կամ Պետեկամուտների կոմիտեն թերանում են իրենց աշխատանքում և այլն։ Ըստ նրա՝ մենք հիմա այնպիսի վիճակում ենք, որ պետք է խնդրենք միջազգային ինվեստորներին գալ Հայաստան։ Տեր-Ղազարյանի փոխանցմամբ՝ իրենք բազմիցս բիզնես ծրագրեր առաջարկել են կառավարությանը, սակայն անուշադրության է մատնվել։ Խոսքը միլիոնավոր դոլարների ներդրումների մասին է։
Մանրամասները՝ տեսանյութում:
