ԿԸՀ–ում ավագանու ընտրություններին գրանցման փաստաթղթերը ներկայացրեց ճարտարապետ Անահիտ Թարխանյանը, ով «Երևանի հանրություն» նախաձեռնության և «ԳԱԼԱ» կուսակցության քաղաքապետի թեկնածուն է: Նա լրագրողների հետ զրույցում ասաց, որ հաղթական տրամադրությամբ է հանձնել փաստաթղթերը:
Հարցին, թե բոլորն ասում են, որ թափանցիկ ընտրություններ են լինելու, բայց բոլորովին վերջերս Անահիտ Թարխանյանի ամուսինը՝ Անդրիաս Ղուկասյանը, պահանջում էր ԿԸՀ նախագահ Տիգրան Մուկուչյանի հրաժարականը, այդ մտավախությունը կա, որ թափանցիկ ընտրություններ չլինեն, ավագանու թեկնածու Արմեն Հովհաննիսյանն ասաց, որ վստահության խնդիր կա: