«Կալյարիի» և Իտալիայի ֆուտբոլի երիտասարդական հավաքականի նախկին դարպասապահ Դավիդե Կապելոն կարող էր զոհվել Ճենովայում ավտոճանապարհային Մորանդի կամրջի փլուզման արդյունքում,– հաղորդում է Football Italia-ն։
Ողբերգությունը տեղի է ունեցել օգոստոսի 14-ին։ Կապելոյի խոսքերով՝ նա այդ ընթացքում առնվազն 35 մարդու կյանք տարած պատահարի էպիկենտրոնում է եղել:
«Սա հրաշք է, որ ես ողջ եմ։ Ես Ճենավա էի մեկնում և կամրջի վրա էի։ Սկզբում ես աղմուկ լսեցի, հետո ամեն ինչ փլվեց։ Իմ մեքենան 30 մետր իջավ և խրվեց սյուների արանքում։ Անհավատալի է, բայց ես միայն քերծվածքներ եմ ստացել։ Ես պարզապես գնում էի այդ կամրջով, այն ամենածանրաբեռնվածներից է երկրում։ Ես չեմ պատկերացնում, թե ինչպես մեքենաս չի ճխլվել»,– պատմել է իտալացի մարզիկը։
