Մեկնարկել է «Քայլ դեպի տուն» ծրագիրը: «Ծրագիրը ըստ էության երկու բաղադրիչ ունի՝ 10-օրյա ծրագիրը, երբ մեր մասնակիցները կհյուրընկալվեն Երևանի և հարակից մարզերի մեր հայրենակիցների ընտանիքներում, իսկ հաջորդ 4-օրյա ծրագիրը կանցկացվի ճամբարում»,- լրագրողների հետ զրույցում նշեց սփյուռքի նախարար Մխիթար Հայրապետյանը:
Նախարարի խոսքով՝ ծրագրվում է նաև ծրագրի մասնակից երեխաների հանդիպումը վարչապետ Նիկոլ Փաշինյանի և պաշտպանության նախարար Դավիթ Տոնոյանի հետ: «Այս ծրագրի հիմնական նպատակը հայրենիքի հետ Սփյուռքի մեր պատանիների և երիտասարդների կապն ուժեղացնելն է»,- նշեց Մխիթար Հայրապետյանը՝ կարևորելով ոչ միայն այդ 10 օրերը, այլև շարունակականությունը:
Սփյուռքի նախարարը, չնշելով պաշտոնական թվեր, նկատեց, որ ամեն օր Հայաստան վերադարձողներ կան. «Նրանց միակ մտահոգությունը աշխատատեղերի հարցն է»:
Մանրամասները՝ տեսանյութում:
