Էբբի Հանթսմանը՝ Ռուսաստանում ԱՄՆ դեսպան Ջոն Հանթսմանի դուստրը, շաբաթվա վերջում կլքի Fox News-ը։ Այս մասին հաղորդում է Mediaite-ը։
Նշվում է, որ Հանթսմանը վարում էր Fox & Friends Weekend հաղորդումը։ Պորտալի տվյալներով՝ նրա տեղը կզբաղեցնի Սարա Հայսնը, որը նախկինում ABC News հեռուստաալիքում է աշխատել։
Fox News-ի ներկայացուցիչները հաստատել են, որ Հանթսմանը վերջին շաբաթն է աշխատում հեռուստաալիքում։
Նշվում է նաև, որ այսուհետ դեսպանի դուստրը կաշխատի ABC-ով թողարկվող The View հեռուստաշոում, որն առաջին անգամ 1997-ին է եթեր դուրս եկել։
