«Առաջին լրատվական»- ի հետ զրույցում խոսելով Վրաստանում տեղի ունեցած «Արժանի գործընկեր-2018» (Noble Partner) թվով չորրորդ բազմազգ զորավարժությունների նշանակության մասին՝ Մեծ Բրիտանիայի Լեսթերի համալսարանի միջազգային հարաբերությունների և անվտանգության բաժնի գիտաշխատող, վաշինգթոնյան Կենտրոնական Ասիայի և Կովկասի ինստիտուտի տարածաշրջանային անվտանգության հարցերով անկախ փորձագետ Էդուարդ Աբրահամյանը նշեց. «Հյուսիսատլանտյալ դաշինքը քաղաքական կազմակերպություն է, որի հիմնական գործիքը զինված ուժերն են: Եվորպայում ԱՄՆ-ի ԶՈւ-ի հրամանատարությունը Վրաստանի ԶՈւ-ի հետ նախաձեռնել է այս զորավարժությունները, որի նպատակն էր, որպես լրացուցիչ ջանք, Վրաստանի ԶՈւ ստորաբաժանումները պատրաստել, վարժեցնել, որոնք հեշտությամբ պետք է ինտեգրվեին ՆԱՏՕ-ի արագ արձագանքման ուժերի մեջ, բացի դրանից՝ ավելի էֆեկտիվորեն արագացնել և հեշտացնել Վրաստանի ԶՈւ-ի փոխգործակցությունը ՆԱՏՕ-ի ուժերի և հրամանատարության հետ: Այսինքն՝ ՆԱՏՕ-ի և Noble Partner զորավարժությունների կապը ակնհայտ է:
Հայաստանից զորավարժություններին մասնակցել է 4 սպա: Այստեղ քաղաքական կոնյուկտուրայի հարց կա, կա Ռուսատանի գործոնը. Հայաստանը կաշկանդվածություն ունի՝ փորձելով լինել հուսալի գործընկեր ՆԱՏՕ-ի համար՝ խնդիրներ չունենալով Ռուսաստանի հետ: Բայց պետք է հաշվի առնել, որ Ռուսաստանի համար ՆԱՏՕ-ի որևէ ներկայություն Կովկասում ու Սև ծովում, որևէ ներգրավվածություն ՆԱՏՕ-ի միջոցառմանը դիտարկվում է որպես ներխուժում իր շահերի տարածք: Հայաստանը այս առումով լուրջ իրավիճակում է հայտնվում, դժվար է դարձել գործընկերային հարաբերություններ պահել ՆԱՏՕ-ի հետ՝ միևնույն ժամանակ լինելով Ռուսաստանի դաշնակից, որովհետև այդ երկու կառույցների շահերը իրար հակասում են:
Հայաստանը դիտարկվում է որպես Ռուսաստանից բացահայտ կախյալ պետություն»:
Փորձագետի կարծիքով՝ Ռուսաստանը Հայաստանի համար սահմանել էր խաղի կանոններ, որոնց Հայաստանը պետք է լուռ և հնազանդ ենթարկվեր. «Քոչարյանի և Խաչատուրովի կալանավորումը դուրս է Ռուսաստանի խաղի կանոններից, ինչը Ռուսաստանի կողմից բորբոքում առաջացրեց: Հիմնական մտահոգությունն այն էր, որ Հայաստանը թույլտվություն չի ստացել Ռուսաստանից: Իսկ ՀԱՊԿ-ի հեղինակության մասին խոսելը որոշ չափով անլուրջ է, այդ կառույցը չի կարող համեմատվել ՆԱՏՕ-ի հետ»:
Մանրամասն՝ տեսանյութում:
