Սատանայի փաստաբանի վիճակը ողջունելի չէ հանրության տեսակետից: Այս մասին այսօր հրավիրված ասուլիսում նշեց Իրավապաշպան Արթուր Սաքունցը անդրադառնալով երկրորդ նախագահ Ռոբերտ Քոչարյանի փաստաբանների դժգոհություններին, հավելելով, որ ողջունելի է, երբ Ռոբերտ Քոչարյանի փաստաբաններն ասուլիս հրավիրելու հնարավորություն ունեն, որովհետև 2008 թվականի մարտի մեկի դեպքերից հետո փաստաբանների պակաս կար երկրում, մարդիկ վախենում էին պաշտպանել քաղաքական հետապնդումների ենթարկվող անձանց:
Հիշեցնենք, որ երկրորդ նախագահի փաստաբանները դժգոհել էին, որ թե Քոչարյանին մեղադրանք առաջադրելն ու կալանքի որոշումն անհիմն են, նրա նկատմամբ քաղաքական ու անձնական հաշվեհարդար է իրականացվում,
Ըստ Սաքունցի՝ Քոչարյանի իշխանության տարիներին այդ ազատությունը չկար: Արթուր Սաքունցի խոսքով՝ Հատուկ քննչական ծառայությունում հարուցված քրեական գործի հիմքում դրված հոդվածը պետք է ընդլայնվի, և Ռոբերտ Քոչարյանին պետք է մեղադրանք առաջադրվի իր նախագահության օրոք մարդու իրավունքների համատարած խախտումների, կոռուպցիոն հանցագործությունների և այլ արարքների համար:
Իրավապաշտպանը նշում է, թե Հայաստանի երկրորդ նախագահ Ռոբերտ Քոչարյանի դեմ հարուցված քրեական գործը պետք է ընդլայնել՝ նրա նկատմամբ կիրառելով այլ քրեական հոդվածներ և մեղադրանք առաջադրելով նաև «իր նախագահության օրոք մարդու իրավունքների համատարած խախտումների, կոռուպցիոն հանցագործությունների և անօրինական որոշումների համար»:
