Մեծ Բրիտանիայի ԵՄ–ից դուրս գալու ժամկետները, որ նախատեսվում են 2019-ի մարտին, կարող են տեղափոխվել։ Այս մասին Մադրիդում կայացած մամլո ասուլիսի ժամանակ հայտարարել է Իսպանիայի արտաքին գործերի նախարար Ժոզեփ Բորելը։
Ավելի վաղ հաղորդվել էր, որ հոկտեմբերի կեսերին պետք է պատրաստ լինի՝ Բրիտանիան ԵՄ–ից բաժանելու պայմանների վերաբերյալ համաձայնագիրը։ Դրանից հետո փաստաթուղթը պետք է հասցնի անցնել վավերացման բոլոր գործընթացները՝ նախքան 2019 թվականի մարտի 29-ը։
«Դժվար է հավատալը, որ ԵՄ–ի և Մեծ Բրիտանիայի միջև համաձայնագիր չի լինելու։ Անհնարին է, որ ԵՄ–ն ու Մեծ Բրիտանիան հայտարարեն, որ բաժանման ժամանակ տանելու են իրենց հետ ամբողջ կահույքը, ով որքան կարողանա։ Ինչ որ մի համաձայնագիր պետք է լինի։ Հակառակ դեպքում կորուստները երկու կողմերի համար էլ շատ մեծ կլինեն»,– ասել է Բորելը։
«Այլ հարց է, որ կարող է ԵՄ բոլոր երկրների միաձայն որոշում լինել՝ Brexit-ի ժամկետը տեղափոխելու համար։ Դա հնարավոր է»,– ավելացրել է նախարարը։
Նա նաև «շատ լավ նորություն է» անվանել վարչապետ Թերեզա Մեյի հայտարարությունն այն մասին, որ ինքն անձամբ է ղեկավարելու ԵՄ–ի հետ Brexit-ի հարցով բանակցությունները։
