Ռուսաստանն ըստ երևույթին պատրաստվում է եվրասիական դաշնակիցների յուրօրինակ մոբիլիզացիա իրականացնել, ինչի նպատակով էլ եղել են հեռախոսազանգեր Բելառուս, Ղազախստան, Հայաստան: Ի՞նչ է ենթադրելու այդ մոբիլիզացիան, կարո՞ղ է դա լինել մոբիլիզացիա Արևմուտքի դեմ, թե՞ ոչ, դժվար է ասել: Պուտինի հեռախոսազրույցները տեղի են ունենում Թրամփի հետ նրա հելսինկյան հանդիպումից մի քանի օր անց: Այդ հանդիպումն ընդհանուր առմամբ՝ թե՛ Պուտինը, թե՛ Թրամփը գնահատել էին դրական, և այդ իմաստով պետք է ենթադրել, որ Արևմուտքի և Ռուսաստանի միջև լարվածությունը առնվազն չի մեծացել, հետևաբար պետք է որ չլինի Արևմուտքի դեմ Եվրասիական մոբիլիզացիայի պատճառ: Աշխարհաքաղաքական իրավիճակը ներկայումս չափազանց դինամիկ ու բազմաշերտ է: Հատկանաշական է, որ Հայաստանը կարծես թե դուրս չի մնում այդ շղթայից:
Թեմայի շուրջ «Առաջին լրատվական»- ի հետ զրույցում անդրադառնալով հարցին, թե հնարավոր է, որ Փաշինյան-Պուտին հեռախոսազանգի անհրաժեշտությունը հասունացել էր Փանիկի դեպքի հետ կապված վերջին օրերի իրադարձությունների բերումով, Կովկասի ինստիտուտի տնօրեն Ալեքսանդր Իսկանդարյանը նշեց. «Չեմ կարծում, թե այն, ինչ տեղի ունեցավ Փանիկում, այնքան մեծարժեք իրադարձություն է, որ դրան անդրադառնան պետության ղեկավարները: Պուտինը և Փաշինյանը ժամանակ առ ժամանակ զրույցի պատճառ բավականին շատ ունեն, սա նրանց առաջին հեռախոսազրույցը չէ…»:
Մանրամասն՝ տեսանյութում:
