Ռոբին Ուիլյամսի և նրա նախկին կնոջ իրերի հավաքածուն կվաճառվի Sotheby’s-ի կազմակերպած աճուրդում: Ինչպես նշվում է աճուրդի տան հաղորդագրության մեջ, աճուրդը տեղի կունենա այս տարվա հոկտեմբերի 4-ին, իսկ գոյացած գումարը կփոխանցվի բարեգործության նպատակներով:
Լոտերի շարքում կներկայացվեն հիշարժան իրեր ֆիլմերից, դերասանի ինքնագրով սցենարը, պարգևներ, բուտաֆորիաներ և զգեստապահարանից իրեր, որոնք կապված են դերասանի կարիերայի և նրա կնոջ հետ: Կներկայացվեն նաև ժամանակակից արվեստի հավաքածուներ, դերասանի անձնական հավաքածուից ավելի քան 40 ժամացույց և հեծանիվներ:
Ուիլյամսը ինքնասպանություն է գործել 2014-ի օգոստոսին: 2015-ի հուլիսին հաղորդագրություն ստացվեց, որ Ուիլյամսին սխալմամբ ախտորոշել են «Պարկինսոնի հիվանդությամբ»: Որոշ ԶԼՄ-ների կարծիքով՝ այդ հիվանդության մասին ախտորոշումը կարող էր դառնալ ինքնասպանության պատճառ:
