Կանադական ընկերություններից մեկը անսովոր բարեգործական ակցիա է անցկացրել: Երկրի բնակիչներին առաջարկել են մեկական դոլարի չափով նվիրատվություն կատարել Տորոնտոյի քաղաքապետ Ռոբ Ֆորդին նվեր գնելու համար: Նրանք, ովքեր ամբողջ տարին հետևել են քաղաքապետի շուրջ ծագած սկանդալին, գումար չեն խնայել, և մի քանի օրվա ընթացքում հավաքվել է ավելի քան մեկ միլիոն դոլար` հաղորդում է vesti.ru-ն:
«Ավանդույթի համաձայն՝ չարաճճի տղաները Սուրբ Ծննդին ածուխ են ստանում: Այս տարի ես որոշել եմ բացառություն չանել»,- ասում է Սանտա Կլաուսը Տորոնտոյի փողոցներում:
Այս ավանդույթը Տորոնտոյում քաղաքական ենթատեքստ է ստացել: Երկրում բարեգործական կազմակերպություններից մեկը կոչ է արել միջոցներ հավաքել երկրի ամենաչարաճճի տղային` Տորոնտոյի քաղաքապետ Ռոբ Ֆորդին պատժելու համար:
Դեռևս հայտնի չէ` ինչ է մտածում քաղաքապետը ֆլեշմոբի կապակցությամբ: Նա առանց այն էլ խոստովանել է, որ իրեն շատ վատ է պահել. թմրանյութ է ծխել, չարաշահել է ալկոհոլը և հարձակվել է լրագրողների վրա: Այնուամենայնիվ, քաղաքապետի տրամադրությունը տոնական է. օրերս նա պարել է Բոբ Մառլիի երգի տակ քաղխորհրդի նիստին և Սուրբծննդյան երազանք է պահել` հաղթել առաջիկա ընտրություններին: