«Ժողովուրդ»-ը գրում է. «Էկոնոմիկայի նախարարության շուկայի վերահսկողության տեսչությունը շարունակում է ստուգումները «Վաղարշ և որդիներ կոնցեռն» ՍՊԸ-ում՝ «բաղնիքի ոսկու շուկայում»։ «Եթե ոսկին ազնիվ մետաղ է, չի նշանակում, որ այդ բիզնեսով զբաղվողներն էլ են ազնիվ»,- ընկերությունում կատարված ստուգումների արդյունքներից հետո «Ժողովուրդ»-ի հետ զրույցում այսպիսի կարծիք է հայտնել նշված տեսչության պետ Լևոն Խալիկյանը։
Անդրադառնալով հայտնաբերված խախտումներին՝ նա նշել է. «Չասեմ ինչ, բայց հայտնաբերել ենք բազմաթիվ և բավականին լուրջ խախտումներ։ Մեզ համար պարզ դարձավ, որ այս մարդիկ ոչ պատշաճ ու ոչ ազնիվ ձևով են աշխատում։ «Ժողովուրդ»-ը Խալիկյանից տեղեկացել է նաև, որ «Վաղարշ և որդիներ» ընկերությունն ունի լիցենզիա և զբաղվում է հարգորոշմամբ ու հարգադրոշմմամբ։ Այստեղ նույնպես ստուգումներ են իրականացվում։ Թերևս սպասվում են ամանորյա «խոշոր տուգանքներ»։
Մանրամասները` թերթի այսօրվա համարում