Թենեսի նահանգից ամերիկացի քահանային մեղադրում են եկեղեցում 17-ամյա աղջկան բռնաբարելու մեջ: Այս մասին հաղորդում է New York Daily News պարբերականը:
46-ամյա Ջեյմս Մեսերին ձերբակալել են այն բանից հետո, երբ աղջկա ընտանիքը ոստիկանություն է դիմել: Դեռահասի խոսքերով՝ ինքն ու պաստորը գնացել են լողալու, սակայն ջրամբարում ջուրը շատ կեղտոտ է եղել և ստիպված են եղել եկեղեցի վերադառնալ: Այն բանից հետո, երբ նրանք ներս են մտել, տղամարդը սկսել է սիրահետել զոհին, իսկ հետո հրամայել է հանվել և հատակի վրա նրան բռնաբարել է:
Մեսերը ընդունել է, որ սեռական ակտ եղել է, սակայն, նրա խոսքերով, դա տեղի է ունեցել աղջկա համաձայնությամբ: Նրան ազատ են արձակել 150 հազար դոլար գրավի դիմաց:
