«Երբ պետությունները գտնվում են որոշակի դաշինքների մեջ կամ ունեն դաշնակիցներ, բնական է, որ պետությունն ակնկալում է, որ դաշնակիցը եթե չներգրավվի, ապա գոնե վերաբերմունք արտահայտի։ Եվ այստեղ ես ՀԱՊԿ-ից վերաբերմունքի ակնկալիք ունեմ»,- «Առաջին լրատվական»-ի հետ զրույցում ասաց «Մոդուս վիվենդի» կենտրոնի նախագահ, քաղաքագետ Արա Պապյանը՝ պատասխանելով մեր այն հարցին, թե ՀԱՊԿ-ը պե՞տք է որևէ դիրքորոշում հայտնի Նախիջևանում այս օրերին տեղի ունեցողի հետ կապված։
Պապյանը շարունակում է. «Մեր ստրատեգիական դաշնակիցն անտարբեր նստի ու նայի, որ կրակոցներ են լինում իր դաշնակցի տարածքի վրա՝ ընդունելի չէ։ Լռությունը խրախուսում է Ադրբեջանի այդ դիրքորոշումը՝ կոնֆլիկտը պահել արթուն և աշխարհին ցույց տալ, որ հակամարտությունը ոչ թե Արցախի և Ադրբեջանի, այլ Ադրբեջանի և Հայաստանի միջև է»։
Մեր զրուցակիցը նշում է. «Մենք պետք է հասկանանք, եթե պատերազմ է լինում՝ ղազախները մեր հե՞տ են, թե՞ ոչ, Բելառուսը մեր հե՞տ է, թե՞ ոչ։ Բելառուսը մի կողմից մեր դաշնակիցն է, մյուս կողմից՝ «Պոլոնեզ» է ծախում Ադրբեջանին, նույնն էլ Ռուսաստանին է վերաբերում»։
Հարցազրույցն ամբողջությամբ՝ տեսանյութում։
