Ադրբեջանում կանխվել է 260 կգ քաշով թմրանյութերի՝ Ադրբեջանի տարածքով Իրանից Ուկրաինա տեղափոխման փորձը։ Այս մասին հաղորդում է երկրի Պետական մաքսային կոմիտեի մամլո ծառայությունը։
Նշվում է, որ իրավապահները հայտնաբերել են թմրանյութերը Mercedes-Benz Axor բեռնատար ավտոմեքենայում։ Մեքենայի ղեկին Ադրբեջանի քաղաքացի է եղել։ Թմրանյութերը հայտնաբերվել են իրանա–ադրբեջանական սահմանը հատելու ժամանակ՝ Աստարա մաքսակետում։
Ըստ ադրբեջանական մաքսավորների տվյալների՝ մեքենան 800 պարկ նատրիումի կարբոնատ է տեղափոխել, որն ուղարկված է եղել իրանական Mojtaba Shage Azar ընկերության կողմից ուկրաինական LLC Lisintra ընկերությանը։
«Ստուգման ժամանակ իրավապահները թմրանյութերով 25 պոլիէթիլենային փաթեթ են գտել՝ ընդհանուր 260 կգ քաշով։ Ադրբեջանի արդարադատության նախարարության դատական փորձագիտության կենտրոնը պարզել է, որ դա հերոին է՝ ոչ գործարանային պայմաններում արտադրված»,–ասվում է հաղորդագրությանմեջ։