Նյույորքցի ամուսինները ոչ միայն հարստացել են, այլև նրանց հաջողվել է կյանքի կոչել «ամերիկյան երազանքը»։ Այժմ նրանք ոչ միայն միլիոնատեր են, այլ՝ հանգստավայր–կղզու սեփականատեր։ Կղզու վրա 27 առանձնատուն կա և ամեն մեկը մի գիշերվա մեջ 800 դոլարի եկամուտ է բերում։
Իսկ ամեն ինչ սկսվել է նրանից, որ կինը Կամբոջիայի ափին, 15000 դոլարով մի կղզի է ձեռք բերել։
2005 թվականին Մելիտա Հանթերը ամուսնու հետ մեկ տարով գործուղման է մեկնել Կամբոջա։ Երբ վերադառնալու պահը եկել է, զույգը որոշել է ձեռք բերել Song Saa կղզին։ Դրա մակերեսը մեծ չէ, բայց կարևորն այն էր, որ այն ափից 30 կմ–ի վրա էր գտնվում։ 15000 դոլարով նրանք 99 տարով կղզին տնօրինելու իրավունք են ստացել։
10 տարի անց կղզու վրա 27 «լյուքս» կարգի վիլա է կառուցվել։ Կղզի կարելի է հասնել նավով կամ ուղղաթիռով։ Վիլաները կառուցվել են էկոլոգիապես մաքուր նյութերից։
Կղզու տերերը ոչ միայն հարստացել են, այլև տեղի բնակչության համար աշխատատեղեր են ստեղծել. անձնակազմի 80%-ը կամբոջացիներն են։
